Vintraj Kantoj

Baldaŭ mortos jaro nuna / Super ni ileks-girlandoj

Kimre: Nos galan

Angle: Fast away the old year passes + Deck the Halls

Tradicia Kimra Kanto (kun multegaj variantoj tekstaj)
Elangligis Montagu C. BUTLER
Fontoj: Kantaro Esperanta, 1926 (n-ro 104) kaj TTTejo de Don Harlow
(strofoj 1-3 kaj 4-6, respektive)

  1. Baldaŭ mortos jaro nuna
         Fa la la la la, la la la la,
    Morgaŭ venos nova, juna;
         Fa la la la la, la la la la,
    Ni renkontu ĝin sen ploro —
         Fa la la, la la la, la la la,
    For mizero, for doloro!
         Fa la la la la, la la la la!

  2. Eble ĝojo kune venos,
         Fa la la la la, la la la la,
    Eble multo nin ĉagrenos;
         Fa la la la la, la la la la,
    Tamen kun espera koro
         Fa la la, la la la, la la la,
    Ni salutu ĝin en ĥoro:
         Fa la la la la, la la la la!

  3. Timo pri la estonteco
         Fa la la la la, la la la la,
    Estas pura malsaĝeco;
         Fa la la la la, la la la la,
    Ĉiu do senzorga estu.
         Fa la la, la la la, la la la,
    Novan jaron gaje festu.
         Fa la la la la, la la la la!

  4. Super ni ileks-girlandoj
         Fa la la la la, la la la la,
    Gaje pendas kun rubandoj,
         Fa la la la la, la la la la,
    Ĉar ĉeestas jaran feston
         Fa la la, la la la, la la la,
    Ni, portante belan veston...
         Fa la la la la, la la la la!

  5. Ĉe l' kamen' kraketas ŝtipoj
         Fa la la la la, la la la la,
    Sub la visk' jen kune lipoj!
         Fa la la la la, la la la la,
    Nun amatojn ni revidas,
         Fa la la, la la la, la la la,
    Dancas do, kaj gaje ridas,
         Fa la la la la, la la la la!

  6. Jen la temp' por gejunuloj!
         Fa la la la la, la la la la,
    Inter ilin do, kunuloj,
         Fa la la la la, la la la la,
    Ĉar la jar' rapide pasas
         Fa la la, la la la, la la la,
    Kaj vin pli maljunaj lasas,
         Fa la la la la, la la la la!


Enlilandejigita kaj midie ekipita je 2001.10.07.




Ĉi tiu paĝo estas parto de la Jahua filio
http://www.reocities.com/lilandr/
de
La Lilandejo
http://www.scn.org/~lilandbr/

la tttejo de
Liland Brajant Ros'